Аудандық мәслихаттың сессиясы өтті

    2026 жылғы 3 сәуірде аудандық мәслихаттың кезекті сессиясы аудандық мәслихаттың төрағасы С.Т. Баумағанбетовтың төрағалығымен, аудан әкімінің орынбасарлары, аудан әкімі аппаратының басшысы, мемлекеттік мекемелер басшыларының қатысуымен өтті.

         Бірінші мәселе бойынша әлеуметтік көмек көрсету ережелеріне өзгерістер енгізу бойынша Жұмыспен қамту және әлеуметтік бағдарламалар бөлімінің басшысы Б.Қ. Әмрина сөз сөйледі.

          Осы Қағидаларға өзгерістер Мемлекет басшысының әлеуметтік көмекті біріздендіру жөніндегі тапсырмасын орындау шеңберінде енгізілді. Қазақстан Республикасы Денсаулық сақтау министрінің 2020 жылғы 23 қыркүйектегі бұйрығымен бекітілген әлеуметтік маңызы бар аурулар тізбесіне сәйкес әлеуметтік мәні бар аурулары бар адамдар үшін әлеуметтік көмек бөлігіне өзгерістер енгізілді, отбасының жан басына шаққандағы орташа табысы ескеріле отырып көрсетілді. Туберкулез, АИТВ, қатерлі ісіктер кірістерді есепке алмай көрсетіледі.

             Қазіргі уақытта бекітілген санат үшін отбасының табысын есепке алмай, бір мезгілде әлеуметтік көмек көрсетуге өзгерістер енгізілді.

             Екінші мәселе бойынша: Ғабит Мүсірепов атындағы аудан әкімдігі жанындағы жер комиссиясының дербес құрамын бекіту туралы Ж.М. Қабдуннасов - жер қатынастары бөлімінің басшысы сөз сөйледі: Жер комиссиясының құрамы төрағаны және заңнамада көрсетілген адамдарды қоспағанда, барлық құрамды ауыстыра отырып, келесі күнтізбелік он екі ай өткен соң жыл сайын бекітіледі.

          Жер комиссиясы тұрақты негізде жұмыс істейді. Жер комиссиясы мүшелерінің саны 12 адамды құрайды, оның ішінде Комиссия хатшысы да бар.

           «Ғабит Мүсірепов атындағы аудан мәслихатының 2023 жылғы 28 желтоқсандағы № 13-2 «Солтүстік Қазақстан облысы Ғабит Мүсірепов атындағы ауданның учаскелік сайлау комиссияларының мүшелерін сайлау туралы» шешіміне өзгерістер енгізу туралы үшінші мәселе бойынша мәслихат аппаратының басшысы С.Қ. Майәмірова сөз сөйледі.

         Учаскелік сайлау комиссияларының 3 мүшесінің міндеттерінен босатылуына және комиссия құрамынан шығуына байланысты 3 ауылдық округтегі 3 учаскелік комиссияға өзгерістер енгізілді.

            Талқылау және жарыссөз барысында депутаттар күн тәртібіндегі мәселелерді бірауыздан бекітті. 

         Сессия соңында «AMANAT» партиясы аумақтық филиалының атқарушы хатшысы К.Н. Минашева Жалпыхалықтық референдум жұмысын жүргізуге белсенді қатысқаны және ұйымдастырғаны үшін Қазақстан Республикасы Президенті Қ.К. Тоқаевтың Алғысхатын аудандық мәслихаттың төрағасы С.Т. Баумағанбетовке, Жалпыұлттық коалиция басшысы Е. Қошановтың Алғысхатын «Қазақстан темір жолы» «ҰК» АҚ филиалының Жаңа-Есіл станциясының №13 қалпына келтіру поезының бастығы - Ш.Қабылдинге табыс етті.

         Бұған дейін аудандық мәслихаттың депутаттары К.Н. Минашеваға және С.Ю. Котельникке Қазақстан Республикасы Президентінің Алғысхаты, Е. Қошановтың Алғысхатын депутаттар Н.А. Синдякинаға, А.Б. Байлинаға, Б.С. Жантасоваға, Қ.А Қажығалиевке табыс етілді.