Аудандық мәслихаттың сессиясы өтті

2025 жылғы 25 қарашада аудандық мәслихаттың XXXIII сессиясы, аудандық мәслихаттың төрағасы С.Т. Баумағанбетовтың төрағалығымен, аудан әкімінің м.а. Е.Қ. Аманжоловтың, аудан әкімінің орынбасарларының, мемлекеттік мекемелер басшыларының, ауылдық округ әкімдерінің, бұқаралық ақпарат құралдары өкілдерінің қатысуымен өтті.

         Сессия жұмысына ауданның қоғамдық кеңесінің мүшелері қатысты.

         Аудандық мәслихат депутаттары аудандық бюджеттің және барлық 17 ауылдық округтің нақтылауын бекітті.

         Жер салығының базалық салық ставкаларын түзету мәселесі бойынша экономика және қаржы бөлімінің басшысы А.Р. Елжанова сөз сөйледі. Жер салығының ставкаларын жер салығының базалық ставкаларынан 50% - ға арттыру ұсынылды.

2026 жылға арналған оңайлатылған декларация негізінде арнайы салық режимі бойынша салық мөлшерлемесінің мөлшерін төмендету мәселесі бойынша ауданда кәсіпкерлік бөлімінің басшысы М.Қ. Әбілмәжінов сөз сөйлеп, бөлшек салық мөлшерлемесін 4% - дан 3% - ға дейін төмендетуді ұсынды. Мемлекет тарапынан бұл шара бизнесті жүргізу мен дамытудың жеңілдігін қамтамасыз етуге бағытталатын болады.

Қоғамдық кеңес мүшелері қатысқан талқылау және жарыссөз барысында депутаттар шешім қабылдады.

Бірлік, Новоселов, Червонный ауылдық округтері әкімдіктерінің округті дамыту жөніндегі жұмысы туралы округ әкімдері А.К. Әржікеев, Новоселов округі әкімінің м.а. Н.К. Құрманбаева, Ә.К. Абаев сөз сөйледі.

Ауылдық округ әкімдерінің аппараттарымен ағымдағы жылы округтің ауылдарын абаттандыру, санитарлық жай-күйі және сыртқы келбетін жақсарту мәселелері бойынша жүйелі жұмыс жүргізілді.

Депутаттар одан әрі жұмыс істеу бойынша ұсыныстар берді.

         Сондай-ақ, аудан әкімдігінің, ведомствоаралық комиссиялардың дербес құрамындағы өзгерістер қаралды.

           Талқылау барысында депутаттар күн тәртібіндегі мәселелерді бірауыздан бекітті.