Әлеуметтік даму және заңдылық мәселелері жөніндегі тұрақты комиссияның отырысы өтті

Бүгін аудандық мәслихаттың тұрақты комиссиясының отырысында депутаттар «Федоров ауданында жұмыссыздықтың алдын алу және жұмыспен қамтуға жәрдемдесу жөніндегі тиімді шаралар туралы» мәселені тыңдады.

 «Федоров ауданының Мансап орталығы» филиалының басшысы А.Д. Куантаев баяндама жасады. Ол 2026 жылдың ағымдағы кезеңіндегі жұмыс нәтижелері туралы айтты, жұмыспен қамтуға жәрдемдесудің, кәсіптік оқытудың, азаматтарды жұмысқа орналастырудың, кәсіпкерлік бастамаларды қолдаудың, сондай-ақ бос орындар жәрмеңкелерін өткізудің белсенді шараларын іске асыру туралы ақпарат берді.

Депутаттар ұсынылған көрсеткіштерді назарға алып, талқылап, қызықтырған сұрақтарын қойды. Отырыс қорытындысы бойынша әлеуметтік даму және заңдылық мәселелері жөніндегі тұрақты комиссия тиісті қаулы шығарды.