Первомай ауылдық округінің әкімі тыңдалды
Бүгін аудандық мәслихаттың бюджет, экономика, жергілікті мемлекеттік басқару және өзін-өзі басқару мәселелері жөніндегі тұрақты комиссиясының отырысы өтті.
Күн тәртібінде «Первомай ауылдық округі әкімінің өзіне жүктелген функциялар мен міндеттердің орындалуы туралы есебі» мәселесі қаралды.
Баяндамамен Первомай ауылдық округінің әкімі М.Л. Турмин сөз сөйледі. Өз баяндамасында ол округтің әлеуметтік-экономикалық дамуының негізгі көрсеткіштерін таныстырып, алдағы даму басымдықтарын айқындады, сондай-ақ өзекті проблемалық мәселелерді атап өтті.
Аталғандай, 2025 жылы «Ауыл – Ел бесігі» жобасы аясында «Ауылдық елді мекендерде әлеуметтік және инженерлік инфрақұрылымды дамыту жөніндегі іс-шараларды іске асыру» бағдарламасы шеңберінде автомобиль жолдарына ағымдағы жөндеу жұмыстары жүргізілді: Юбилейная көшесі бойынша ұзындығы 0,74 км және Дальневосточная көшесі бойынша ұзындығы 1,5 км.
Сондай-ақ, әкім бюджетке түсетін салықтар туралы, сондай-ақ білім беру, мәдениет, денсаулық сақтау, спорт, халықты жұмыспен қамту, ветеринария және ауыл шаруашылығы салаларын қамтитын округтің әлеуметтік саласының жай-күйі мен дамуы туралы ақпарат берді.
2025 жылғы есептік кезеңде әкім аппаратына жеке тұлғалардан 4 өтініш келіп түсті. Барлық өтініштер белгіленген тәртіппен толық көлемде қаралды.
Халықпен ашық диалогты қамтамасыз ету мақсатында 9 рет азаматтар жиналысы өткізіліп, онда округтің әлеуметтік-экономикалық дамуына қатысты өзекті мәселелер қаралды. Сонымен қатар, есептік кезеңде жергілікті қоғамдастықтың 5 жиналысы өтті.
Мемлекеттік қызметтердің сапасы мен қолжетімділігін арттыруға ерекше көңіл бөлінуде. Әкімдік ғимаратында өзіне-өзі қызмет көрсету бұрышы жұмыс істейді. 2025 жылы жер учаскелерін беру бойынша 5 мемлекеттік қызмет көрсетілді.
«Таза Қазақстан» экологиялық бағдарламасын іске асыру шеңберінде ауылдық округ әкімдігі тарапынан халықпен жүйелі түрде түсіндіру жұмыстары жүргізіліп, аулаларды аралау және тұрғындармен кездесулер ұйымдастырылды. Халықпен және еріктілермен бірлесіп сенбіліктер, экологиялық акциялар, абаттандыру жұмыстары өткізілді, оның ішінде балалар алаңдарын бояу және тазалау, сондай-ақ ескерткіштерге косметикалық жөндеу жұмыстары жүргізілді.
Абаттандыру жұмыстарын жүргізуге жеке кәсіпкерлер мен шаруа қожалықтарының басшылары (Сарана, Хасэ, Тимошенко, Барзилов, Умертаев, Жижко, Байменов, Карловский) елеулі қолдау көрсетті.
Қоғамдық жұмысшылар электр беру желілерінің тіректерін, гүлзарларды, аркалар мен ескерткіштерді әктеу және бояу жұмыстарын жүргізді. Арамшөптерді шабу жұмыстары тұрақты түрде жүргізіліп, 2025 жылы елді мекеннің барлық көшелері қамтылды.
Округті одан әрі дамыту мақсатында депутаттар бірқатар міндеттерді белгіледі: халықты мемлекеттік бағдарламаларды іске асыруға белсенді тарту, абаттандыру жұмыстарын жалғастыру, жастардың бос уақытын ұйымдастыруды дамыту. Сондай-ақ мектепті педагог кадрлармен толықтыру қажеттілігі атап өтілді.
Талқылау қорытындысы бойынша депутаттар тиісті қаулы қабылдады.