Бүгін Бурабай аудандық мәслихаттың төрағасы М.Б. Нұрпанова сегізінші шақырылған Ақмола облыстық мәслихатының тоғызыншы кезекті сессиясының отырысына қатысты.
Күн тәртібіндегі негізгі мәселе – Ақмола облысы әкімінің өзіне жүктелген функциялар мен міндеттердің орындалуы туралы есебі болды. Депутаттар алдында облыс әкімінің м.а. Елдос Рамазанов сөз сөйлеп, өңірдегі ағымдағы жағдай және облыстың одан әрі әлеуметтік-экономикалық дамуының негізгі бағыттары туралы ақпаратты баяндады.
Сессия барысында «2024-2026 жылдарға арналған облыстық бюджет туралы», Ақмола облысын басқару схемасын бекіту туралы шешімдерге өзгерістер енгізілді.
Сондай-ақ, депутаттар «Ақмола облысында үй жануарларын ұстау және серуендету қағидаларын бекіту туралы» шешімді бекітті, Ақмола облысы әкімдігінің, бюджеттік және жер комиссияларының дербес құрамдарына келісім берді.