Бұланды аудандық мәслихатының 2025 жылға арналған Бұланды ауданының бюджетін атқару жөніндегі 42 кезекті сессиясы өтті

Бұланды аудандық мәслихатында Нұрбек Балтабекұлы Сексеновтің төрағалығымен кезекті 42-сессия өтті. Онда депутаттар өңірдің қаржы-экономикалық дамуының негізгі мәселелерін қарады.

​            Күн тәртібінің басты тақырыбы ауданның 2025 жылғы бюджетінің атқарылуы туралы есеп, сондай-оқ Макинск қаласы мен ауданның ауылдық округтері бюджеттерінің дәл осы кезеңдегі атқарылуы болды.

​Күн тәртібіндегі басты мәселе бойынша депутаттар корпусының алдында Бұланды ауданының әкімі Ардақ Дулатұлы Смайылов сөз сөйледі. Аудан басшысы әлеуметтік-экономикалық бағдарламалардың жүзеге асырылуын және бюджет қаражатының игерілуін көрсететін аудан бюджетінің 2025 жылғы атқарылуы туралы егжей-тегжейлі баяндама жасады.

​Сессияға Ақмола облысы бойынша Тексеру комиссиясының инспекторы А. Б. Әбдірахманова қатысты. Ол есепті кезеңдегі аудан бюджетінің атқарылуы туралы ресми қорытынды жасап, қаржылық тәртіпке сараптамалық баға берді.

​Бірінші мәселені талқылау аяқталғаннан кейін аудандық мәслихаттың экономика және бюджет мәселелері жөніндегі тұрақты комиссиясының төрағасы А. Ж. Кенжеғалиев сөз сөйледі. Ол аудан бюджетінің 2025 жылғы атқарылуына егжей-тегжейлі талдау жасап, депутаттық бағасын берді.

​Сессия барысында депутаттар ауылдық округтер мен Макинск қаласы әкімдерінің бюджет қаражатын тиімді пайдалану туралы есептерін тыңдады. Бұл ретте жергілікті жобалардың сапалы жүзеге асырылуы мен халық алдындағы әлеуметтік міндеттемелердің орындалуына ерекше назар аударылды.

​Қаралған барлық мәселелер бойынша мәслихаттың тиісті шешімдері қабылданды.