2025 жылдың 27 тамызында Рахимов Нұржан Бектұрғанұлының төрағалығымен сегізінші шақырылымдағы Атбасар аудандық мәслихатының кезекті отыз бірінші сессиясы өтті.

Сессия жұмысына Атбасар ауданының әкімі Әлімжанов К.Ғ., аудан әкімінің орынбасарлары, қала, ауыл мен ауылдық округтерінің әкімдері, мемлекеттік органдар, әкімшілік пен құқық қорғау органдарының басшылары,  теміржол кәсіпорындарының басшылары, аудан әкімдігінің дербес бөлімдерінің басшылары, қаланың және ауылдық жергілікті қоғамдастықтың мүшелері,  аудандық Қоғамдық кеңестерінің мүшелері, ардагерлер кеңесінің төрағасы мен бұқаралық құралдарының өкілдері   қатысты.

Аудандық мәслихаттың кезекті отыз бірінші сессиясында келесі сұрақтар қаралып, бекітілді:

1. Атбасар ауданы әкімінің өзіне жүктелген функциялары мен міндеттерінің орындау туралы есебі.
2. Атбасар аудандық мәслихатының 2025 жылғы 8 шілдедегі № 8С 30/3 «Атбасар ауданының ауылдық елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына бюджет қаражаты есебiнен коммуналдық көрсетілетін қызметтерге ақы төлеу және отын сатып алу бойынша әлеуметтік қолдау көрсету тәртібі мен мөлшерін бекіту туралы» шешімінің күшін жою туралы.
3. Атбасар аудандық мәслихатының 2023 жылғы 30 маусымдағы № 8С 6/5 «Қылмыстық жазаны және қылмыстық-құқықтық ықпал етудің өзге де шараларын атқаратын мекемелердің қызметіне жәрдемдесу, сондай-ақ қылмыстық жазасын өтеген адамдарға әлеуметтік және өзге де көмекті ұйымдастыру жөнінде Атбасар ауданының консультативтік-кеңесші органын құру туралы» шешіміне өзгерістер енгізу туралы
4. Атбасар ауданы әкімдігінің жанындағы азаматтар мен заңды тұлғаларға жер учаскелеріне құқық беру жөніндегі жер комиссиясының құрамын және Ережесін бекіту  туралы
5. Атбасар аудандық мәслихаттың кезекті сессиясына қарастыруға енгізілетін негізгі мәселелер туралы.

 

Қаралған сұрақтар бойынша тиісті шешімдер қабылданды.