Ағымдағы жылдың 8 шілдесінде Атбасар ауданына жұмыс сапарымен Қазақстан Республикасы Парламенті Сенатының депутаты Талғат Тұрлыбекұлы Жүсіпов келді

Ағымдағы жылдың 8 шілдесінде Атбасар ауданына жұмыс сапарымен Қазақстан Республикасы Парламенті Сенатының депутаты Талғат Тұрлыбекұлы Жүсіпов келді.

Аудандық мәслихат төрағасы Нұржан Бектұрғанұлы Рахимов, аудандық мәслихат депутаттары-Руслан Қайратұлы Досмұханов, Назгүл Әлімқызы Жәкішева осы жұмыс сапарына қатысты.

Сапар аясында сенатор тұрғын үй-коммуналдық және әлеуметтік салалардағы, сондай-ақ агроөнеркәсіптік кешендегі бірқатар жобалардың іске асырылуымен танысты.

Сенатордың сапары бағдарламасына 100 пәтерлі тұрғын үйге, аграрлық-индустриялық колледжге, орталық қазандыққа бару, «Бастау» ЖШС сүт-тауар фермасы құрылысының барысымен танысу және «AMANAT» партиясының филиалында азаматтарды қабылдау өткізілді. Отбасы, әлеуметтік төлемдер және т. б. мәселелер бойынша өтініштер келіп түсті.