ҚР Конституциясының жаңа нұсқасын талқылауға арналған кеңес отырысы өтті

Амангелді ауданының әкімдігінде Қазақстан Республикасы жаңа Конституциясының жобасы талқылауға арналған кеңес отырысы өтті. Жиын барысында Конституциялық реформаның негізгі бағыттары, енгізілетін өзгерістер және олардың қоғам дамуы үшін маңызы жан-жақты қаралды.
Кеңес отырысында аудандық ардагерлер кеңесінің төрағасы Дауылбай Есім Жетпісбайұлы және «AMANAT» партиясы Амангелді аудандық филиалының төрағасы Досымов Марал Мұратбекұлы сөз сөйлеп, өз ой-пікірлері мен ұсыныстарын білдірді.
Сонымен қатар, Амангелді ауданы әкімінің орынбасары Туленов Сахан Оңжанұлы баяндама жасап, қатысушыларға алдағы уақытта Конституцияның жаңа нұсқасын түсіндіру және осы бағытта жүргізілетін жұмыстар туралы жан-жақты ақпарат берді.
Отырысқа аудан әкімдігі қызметкерлері, мәслихат депутаттары, қоғамдық кеңес мүшелері және сала өкілдері қатысты. Қатысушылар тақырып аясында ашық пікір алмасу жүргізді.
Конституциялық өзгерістер – ел дамуының берік негізі. Бұл бағыттағы ақпараттық-түсіндіру жұмыстары алдағы уақытта да жүйелі түрде жалғасын табады.