Қазақстан Республикасының жаңа Конституциясының жобасын талқылау бойынша бірлескен отырысы өтті

Кеше Қостанай облыстық және қалалық мәслихат депутаттарының, сондай-ақ Қостанай облыстық Қоғамдық кеңесі мүшелерінің бірлескен отырысы өтті. Облыс қалалары мен аудандарының депутаттары мен Қоғамдық кеңес мүшелері бейнеконференц байланыс арқылы онлайн қатысты. Күн тәртібіндегі қаралған мәселе:

31 қаңтарда Конституциялық комиссия жариялаған Қазақстан Республикасының жаңа Конституциясының жобасын талқылау.

Облыстық мәслихат төрағасы Сайлаубек Ещанов Конституциялық комиссиядағы жұмыс барысы туралы баяндап, жобадағы негізгі өзгерістер мен басты басымдықтарды атап өтті.

Облыстық Қоғамдық кеңестің төрағасы Серік Бектұрғанов конституциялық реформалар процесіне және ұсынылған нормаларды қоғамдық талқылауға азаматтық қоғамның белсенді қатысуының маңыздылығын ерекше атап көрсетті.

Отырысқа қатысушылар пікір алмасып, өңір үшін өзекті мәселелерді айқындады және конституциялық реформаларды түсіндіру мен жүзеге асырудағы бірлескен жұмыстың маңыздылығын атап өтті.