Тәуелсіздік күні құтты болсын! Еліміз аман, жұртымыз тыныш болсын!

Құрметті жерлестер!

Сіздерді Қазақстан Республикасының ең басты мерекесі - Тәуелсіздік күнімен шын жүректен құттықтаймыз!

Бүгінгі бейбіт күніміз, тәуелсіз мемлекеттілігіміз – ата-бабамыз аңсаған, сан ғасырлар бойы армандаған қастерлі ұғым. Бүгінде Қазақстан халқы бірлік пен татулықтың арқасында жарқын болашаққа нық қадам басып, үлкен жетістіктерге жетуде.

Қазақстан туы астындағы әр шаңыраққа, әр азаматқа - баршаңызға бақ-береке, ырыс пен ынтымақ тілейміз! Еліміз аман, жеріміз бүтін, аспанымыз ашық, егемендігіміз мәңгілік болсын!

Тәуелсіздігіміз тұғырлы, еліміз еңселі болсын!