Тұрғын үй-коммуналдық мәселелер бойынша көшпелі комиссияның отырысы өтті

13 шілдеде Ақтөбе қалалық мәслихатының төрағасы Анар Даржанова, мәслихат депутаттары, Қоғамдық кеңес мүшелері, полиция және төтенше жағдайлар қызметінің өкілдерімен бірлесіп, тұрақты комиссияның көшпелі отырысы қарсаңында қаланың коммуналдық жағажайларының жай-күйіне мониторинг жүргізді. 

Қазіргі таңда Ақтөбе қаласы аумағында шомылу маусымына рұқсат берілген 13 жағажай мен 2 аквапарк жұмыс істейді. 

Мониторинг барысында жағажайлардың санитарлық жағдайы, демалушыларға арналған инфрақұрылымның жай-күйі, құтқару бекеттерінің жұмысы, ақпараттық тақтайшалардың, қоқыс жәшіктерінің, киім ауыстыратын орындардың және өзге де қажетті нысандардың жай-күйі зерделенді.

Сонымен қатар, шомылу маусымында тұрғындардың қауіпсіздігін қамтамасыз ету, судағы жазатайым оқиғалардың алдын алу және жағажайларды күтіп-ұстау талаптарының сақталуы мәселелері талқыланды. 

Мониторинг барысында қоқыс контейнерлерінің айналасындағы тазалықты тұрақты сақтау және жағажай аумағын уақытылы тазалау мәселесіне ерекше назар аударылды. 

Көтерілген мәселелер тұрақты комиссияның отырысында қаралатын болады