Экономика, бюджет және қаржы бойынша тұрақты комиссия отырысы өтті

29 маусым күні қалалық мәслихаттың экономика, бюджет және қаржы мәселелері жөніндегі тұрақты комиссиясының кезекті отырысында қала бюджетін нақтылау мәселесі қаралды.

Мемлекеттік сатып алулардағы үнемделген және қайтарылған қаражат, сондай-ақ қажеттілігі төмендеген бағдарламалар есебінен 1,1 млрд теңге қайта бөлініп, қала тұрғындары үшін маңызды бағыттарды қаржыландыру ұсынылды.

 Қаланың инфрақұрылымын дамыту
▪️ 60,3 млн теңге – жаңбыр суын сорып шығару жұмыстарына;
▪️ 38,2 млн теңге – қала көшелеріне 1 298 жаңа жарық шамын орнатуға;
▪️ 10,4 млн теңге – жол-көлік инфрақұрылымын жақсарту жұмыстарына.

Сонымен қатар, 49,8 млн теңге Алматы ауданындағы абаттандыру және көгалдандыру жұмыстарына бағыттау жоспарланды.

 Әлеуметтік қолдау
▪️ 268,3 млн теңге – тірек-қимыл аппараты бұзылған азаматтарға инватакси қызметін көрсетуге;
▪️ 9,7 млн теңге – Даун синдромы бар балалар мен ересектерге көлік қызметін ұйымдастыруға.

Комиссия отырысында қолдау тапқан ұсыныстар тұрғындардың өмір сүру сапасын арттыруға, әлеуметтік қолдау шараларын күшейтуге және қаланың инфрақұрылымын одан әрі дамытуға бағытталған