Ақсуат ауданы мәслихатының кезекті ХХХ сессиясы өтті

2025 жылдың 16 шілде күні аудандық мәслихаттың кезекті ХХХ сессиясы өтті.

Сессия жұмысына аудан әкімі Е.Ескендіров, аудан әкімінің орынбасарлары, мекеме, бөлім басшылары,  ауылдық округ әкімдері  қатысты.Күн тәртібіндегі негізгі мәселелер бойынша

«Әкімдердің мәслихаттар алдында есеп беруін өткізу туралы» Қазақстан Республикасы Президентінің Жарлығына сәйкес аудан әкімі Ерсін Кәдірбекұлы «Аудан әкімінің өзіне жүктелген қызметтер мен міндеттерінің орындалуы туралы» есебін берді.

«Аудандағы азық – түлік дүкендерінің халыққа сапалы қызмет көрсетуі,  мониторингтік бақылау жұмыстары туралы» аудандық ауыл шаруашылығы, жер қатынастары және кәсіпкерлік бөлімінің басшысы Ахметов Серік Таупихұлының баяндамасы тыңдалды.

«Құмкөл ауылдық округі әкімінің сайлауалды бағдарламасының орындалуы және 2024-2025 жылдары атқарған жұмыстары туралы» Құмкөл ауылдық округінің әкімі Ербол Құрманғазыұлы хабарлама жасады.

Сессия жұмысында күн тәртібіндегі көрсетілген негізгі және әртүрлі мәселелер толық қаралып, тиісті шешімдер қабылданды.