Абай облысында Конституцияның 30 жылдығына арналған халықаралық конференция өтті.

Абай облысының Әділет департаментінің ұйымдастыруымен Қазақстан Республикасы Конституциясының 30 жылдығына арналған «Азаматтардың конституциялық құқықтарын қорғау» тақырыбындағы халықаралық ғылыми-тәжірибелік конференция өтті.

Іс-шараға Қазақстан Республикасының Әділет министрі Ерлан Жақсылықұлы Сарсембаев, Конституциялық Сот төрағасының орынбасары Бақыт Маратұлы Нұрмұханов, Абай облысының әкімі Берік Уәли, Абай облыстық мәслихатының төрағасы Байбеков Шалқар Заманбекұлы, сондай-ақ құқық қорғау органдарының, жоғарғы оқу орындарының басшылары, депутаттар мен заңгерлер қатысты.

Конференция барысында Өзбекстан және еліміздің жетекші заңгер-ғалымдары баяндама жасап, Конституцияның қоғам өміріндегі рөлі мен азаматтардың құқықтарын қорғаудағы маңызы жан-жақты талқыланды.

Мұндай ғылыми-тәжірибелік басқосулар заң үстемдігін қамтамасыз етуге, қоғамдағы әділеттілікті нығайтуға және азаматтардың құқықтарын қорғау мәдениетін қалыптастыруға зор ықпал етері сөзсіз.