Абай облысында фармацевтикалық зауыт салынады

Абай облысы мәслихатының төрағасы Шалқар Байбеков пен облыс әкімінің бірінші орынбасары Ербол Садыр бастаған делегация Қытайдың Үрімші қаласында жұмыс сапарымен барды.

Делегация мүшелері Қытайдың ірі фармацевтикалық кәсіпорны – «Индуолань» зауытын аралап, дәрі-дәрмек өндірісінің заманауи технологияларымен және сапа бақылау жүйесімен танысты.

Сапар қорытындысында Семей қаласында фармацевтикалық зауыт салу жөнінде өзара ынтымақтастық туралы меморандумға қол қойылды.

Жоба өңірде заманауи дәрі-дәрмек өндірісін жолға қойып, жаңа жұмыс орындарын ашуға және халықты сапалы, қолжетімді препараттармен қамтуға мүмкіндік береді.