Облыстық Жас сайлаушылар клубының отырысы өтті

Бүгін Маңғыстау облысының аумақтық сайлау комиссиясы басшылығының төрағалығымен аудандық және қалалық аумақтық сайлау комиссияларының төрағаларының қатысуымен облыстық Жас сайлаушылар клубының кезекті отырысы өтті.
Отырыс барысында облыстық Жас сайлаушылар клубының жаңа жетекшісін сайлау мәселесі қаралды. Клуб мүшелері бірауыздан Қарақия ауданы Жетібай ауылының өнер мектебінің директоры Бекежан Мерейдің кандидатурасын қолдады.
Қатысушылар жастардың құқықтық сауаттылығын арттыруға бағытталған ақпараттық-түсіндіру және зияткерлік-танымдық іс-шараларды қамтитын Клубтың 2026 жылға арналған алдағы жұмыс жоспарын талқылады.
Мерей Бекежан Қызылорда қаласында өткен Қазақстан Республикасы Орталық сайлау комиссиясының Төрағасы Н.Әбдіровтің еліміздің Жас сайлаушылар клубтарының мүшелерімен кездесуі туралы баяндады. Кездесу барысында клубтардың қызметін жандандыру, білім беру ұйымдарымен, жастар бірлестіктерімен және волонтерлік қозғалыстармен өзара іс-қимылды кеңейту, сондай-ақ әлеуметтік желілер мен бұқаралық ақпарат құралдарындағы ақпараттық жұмысты күшейту мәселелері талқыланды.
Отырыс қорытындысы бойынша қатысушылар жастардың электоралдық мәдениетін арттыруға және олардың елдің қоғамдық-саяси өміріне белсенді қатысуын нығайтуға ықпал ететін жоспарланған бастамаларды бірлесіп іске асыруға дайын екендіктерін білдірді.