Облыстық ветеринария басқарма өкілдерімен ағымдағы жылдың сәуір айына бекітілген жоспарға сәйкес Ақтау қаласы, Мұнайлы және Түпқараған аудандарында көктемгі ветеринариялық – профилактикалық іс – шаралар мен Ауыл шаруашылық жануарларын бірдейлендіру жұмыстарына ішкі бақылау жүргізілді.
Бақылау барысында аталған қала, аудан ветстанция басшылары мен ветпункт меңгерушілері және барлық мамандарының қатысуымен жиналыс өткізіліп, онда көктемгі ветеринариялық – профилактикалық іс – шаралар мен бірдейлендіру жұмыстарын мезгілінде және сапалы орындалуына назар аударылды.
Қала, аудандық ветстанциялар бойынша вакцинация, диагностика жұмыстары өз деңгейінде жүргізілуде. Орындалысы алдағы айларда да бақылауда болады.