«Үстірт» мемлекеттік табиғи қорығын кеңейту үшін жер учаскелерін резервте қалдыру туралы

 

                                «Үстірт» мемлекеттік табиғи қорығын кеңейту үшін жер учаскелерін               

                                                                резервте қалдыру туралы

 

Қазақстан Республикасының Жер кодексінің 16-бабының 1-тармағының 6) тармақшасына, «Ерекше қорғалатын табиғи аумақтар туралы» Қазақстан Республикасы Заңының 10-бабы 2-тармағының 10) тармақшасына, 24-бабына, «Республикалық және жергілікті маңызы бар ерекше қорғалатын табиғи аумақтарды құруға және кеңейтуге арналған жер учаскелерін резервте қалдыру ережесін бекіту туралы» Қазақстан Республикасы Үкіметінің 2006 жылғы 29 қыркүйектегі № 943 қаулысына сәйкес және 2023 жылғы 1 қыркүйектегі Маңғыстау облысы Қарақия ауданында «Үстірт» мемлекеттік табиғи қорығын кеңейту үшін жер учаскелерін зерттеу актісі негізінде Маңғыстау облысының әкімдігі ҚАУЛЫ ЕТЕДІ:

1. Маңғыстау облысының Қарақия ауданында «Үстірт» мемлекеттік табиғи қорығын кеңейту үшін жалпы ауданы 639 755,0 гектар жер учаскелері 10 жыл мерзімге резервте қалдырылсын.
2. Осы қаулыға қосымшаға сәйкес, «Үстірт» мемлекеттік табиғи қорығын кеңейту үшін қоса беріліп отырған резервте қалдырылатын жер учаскелерінің орналасу схемасына экспликациясына сәйкес резервте қалдырылатын жер учаскелерінің шекаралары айқындалсын.
3. Резервте қалдырылған жер учаскелері «Үстірт» мемлекеттік табиғи қорығына берілгенге дейін Қазақстан Республикасының заңнамасында белгіленген тәртіпте пайдаланылады.
4. Осы қаулының орындалуын бақылау облысы әкімінің жетекшілік ететін орынбасарына жүктелсін.
5. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Маңғыстау облысының әкімі

Н. Қилыбай