Қандас мәртебесін беру немесе ұзарту
Қазақстан Республикасы Еңбек және халықты әлеуметтік қорғау министрлігінің Қандастар мен қоныс аударушыларды қабылдаудың 2026 жылға арналған өңірлік квотасын белгілеу туралы №401 бұйрығы және «Қандастар мен қоныс аударушыларды қабылдаудың 2026 жылға арналған өңірлік квотасын облыстар арасында бөлу туралы» Қазақстан Республикасы Еңбек және халықты әлеуметтік қорғау министрінің міндетін атқарушының 2025 жылғы 30 желтоқсандағы № 431 бұйрығына сәйкес, Маңғыстау облысы өңірлік квота белгіленбеген өңір, алайда қандастарды Қазақстан Республикасы Еңбек және халықты әлеуметтік қорғау министрінің 2013 жылғы 22 шілдедегі № 329-Ө-М бұйрығымен бекітілген Қандас мәртебесін беру немесе ұзарту қағидасының 2 – тарау, 9 тармақ, 3) тармақшасына сәйкес, тұрғын үй мәселелерін өз бетінше шешумен және егер өтініш беруші тұрғын үйдің меншік иесі болып табылмаса, өтініш берушінің тұруына нотариалды куәландырылған келісім беру мүмкіндігімен Қазақстан Республикасының азаматтары болып табылатын "Неке (ерлі-зайыптылық) және отбасы туралы" Қазақстан Республикасының Кодексінің 1-бабы 1-тармағының 29) және 36) тармақшаларына сәйкес отбасы мүшелерімен немесе туыстарымен туыстығын растай отырып, өтініш беру өңірінің аумағында тұрақты тұратын өтініш берушінің отбасымен және/немесе туыстарымен бірігуге болады.
Оған керекті құжаттар тізімі:
- этникалық қазақтың шетел паспорты нотариалды куәландырылған аудармасымен (көшірмесі);
- өмірбаян (еркін түрде);
- қазақ ұлтынан екенін дәлелдейтін құжаты (туу туралы куәлігі), егер орыс тілінен басқа тілде жазылған болса нотариалды куәландырылған аудармасымен (көшірмесі);
- Қазақстан Республикасының азаматы немесе азаматшасы болып табылатын жақын туысының туыстық дәрежесін дәлелдейтін құжаты (тумаластар мен балалары үшін туу туралы куәлік, ерлі-зайыптыларға неке туралы куәлік, көшірмесі) және жақын туысының жеке куәлігінің көшірмесі;
- егер өтініш беруші тұрғын үйдің меншік иесі болып табылмаса, Қазақстан Республикасының азаматы немесе азаматшасы болып табылатын жақын туысының атынан өтініш берушіге үйіне тұруына нотариалды куәландырылған келісім.