БЕЙНЕУ АУДАНДЫҚ МӘСЛИХАТЫНЫҢ КЕЗЕКТІ ХХXV СЕССИЯСЫ

2025 жылдың 24 қарашасында сағат 11 ⁰⁰ - де аудан әкімдігінің мәжіліс залында аудандық мәслихаттың кезекті 35-сессиясы өтті. Кезекті сессияға аудан әкімі Шалбаев Рахымжан Ысқақұлы, аудан әкімінің орынбасары, аппарат басшысы ,бөлім басшылары мен ауыл әкімдері қатысты.

Аудандық мәслихат төрағасы Бораш Ардақ Раббимұлы төрағалығымен өткен кезекті сессияда 2 мәселе қаралды.

1.Бейнеу аудандық мәслихатының 2024 жылғы 25 желтоқсандағы №24/182 «2025 - 2027 жылдарға арналған аудандық бюджет туралы» шешіміне өзгерістер енгізу туралы.

2.Бейнеу ауданында оңайтылған декларация негізінде салық режимін қолдану кезінде мөлшерлемесінің мөлшерін төмендету туралы.

Баяндамашы аудандық бюджетті нақтылау қажеттілігі жөнінде ақпарат беріп, енгізілетін өзгерістердің негіздемелерін түсіндірді.

Оңайтылған декларация негізінде жұмыс істейтін кәсіпкерлер үшін салық мөлшерлемесі туралы ұсыныс таныстырылды, оның экономикалық тиімділігі мен әлеуметтік маңыздылығы түсіндірілді.