КММ басшысы лауазымына бос орын

Маңғыстау облысының балық шаруашылығының «Жануарлар дүниесін қорғау жөніндегі қызмет» коммуналдық мемлекеттік мекеме (әрі қарай-Коммуналдық мекеме) басшысының лауазымына кандидатураларды іріктеу бойынша конкурс жариялайды:

Кандидаттарға қойылатын талаптар:

Білімі мен мамандығы бойынша талаптары:

Жоғары немесе жоғары оқу орнынан кейінгі білім - Жаратылыстану ғылымдары, математика және статистика (биология, биологиялық және сабақтас ғылымдар, қоршаған орта). Бизнес, басқару және құқық (мемлекеттік және жергілікті басқару, құқықтану, құқық). Ауыл шаруашылығы және биоресурстар (балық өсіру және өнеркәсіптік балық өсіру, балық шаруашылығы, балық шаруашылығы жəне өнеркəсіптік балық аулау, ихтиология және балық шаруашылығы), геология.

Қажетті құзыреттер бойынша талаптары: күйзеліске төзімділік, бастамашылдық, жауапкершілік, қызметті тұтынушыға және оны ақпараттандыруға бағдарлану, адалдық, ынтымақтастық және әрекеттестік, қызметті басқару, шешім қабылдау, көшбасшылық, стратегиялық ойлау, өзгерістерді басқару.

Жұмыс тәжірибесі бойынша талаптары:

Басшы лауазымдарда (Мекеме басшысы, басшы орынбасары, Директор, директордың орынбасары) кемінде 5 жыл жұмыс өтілінің болуы;
Мемлекеттік ғылыми ұйым болып табылатын мемлекеттік кәсіпорынның басшысы лауазымына кандидаттар үшін мамандығы бойынша жұмыс өтілі кемінде 5 жыл, философия докторы (PhD), бейіні бойынша доктор, ғылым кандидаты немесе ғылым докторы дәрежесі болған кезде жұмыс өтілі кемінде 3 жыл.

Функционалдық міндеттері:

Маңғыстау облысының балық шаруашылығы басқармасы басшысының басшылығымен «Жануарлар дүниесін қорғау жөніндегі қызмет» коммуналдық мемлекеттік мекемесінің қызметіне басшылық жасайды; мемлекеттік саясатты тиімді қалыптастыру, үйлестіру және іске асыру жолымен балық шаруашылығының орнықты дамуы үшін жағдай жасайды;

Коммуналдық мемлекеттік мекемеге жүктелген өкілеттік шеңберінде балық ресурстарын қорғау, өсiмiн молайту және пайдалану саласындағы мемлекеттік саясатты іске асырады;

Коммуналдық мемлекеттік мекеме құзырына кіретін мәселелер бойынша Қазақстан Республикасы Президенті мен Үкіметінің, облыс әкімінің, Маңғыстау облысының балық шаруашылығы басқармасы басшысының нормативтік-құқықтық актілерін және тиісті тапсырмаларын орындайды;

Белгіленген тәртіпке сәйкес қаржы экономикалық және шаруашылық қызметін, бюджет қаржысын тиімді және мақсатты жұмсалуын қадағалайды;

«Жануарлар дүниесiн қорғау, өсiмiн молайту және пайдалану туралы» Қазақстан Республикасының 2004 жылғы 9 шілдедегі N 593 Заңында көрсетілген функцияларын, мақсаттары мен міндеттерін өз құзыреті шегінде жүзеге асырады.

Маңғыстау облысы әкімдігінің «26» желтоқсан 2023 жылғы № 219 қаулысымен бекітілген Маңғыстау облысының балық шаруашылығы басқармасының «Жануарлар дүниесін қорғау жөніндегі қызмет» коммуналдық мемлекеттік мекемесі Жарғысында көрсетілген функцияларын, мақсаттары мен міндеттерін өз құзыреті шегінде жүзеге асырады.

Құжаттарды қабылдау орны: Ақтау қаласы, 14 шағын аудан 1 ғимарат, 116 кабинет.

Құжаттарды қабылдайтын тұлғалар А. Мулдашев, Ж. Ахметова.

Құжаттарды қабылдау мерзiмдi баспасөз басылымдарына конкурс өткізу туралы жарияланған күнінен бастап күнтізбелік он бес күн өткен соң аяқталады.

Негізгі хабарлама 4 шілде 2024 жылғы №7 Маңғыстау газетінде жарияланды,

құжаттарды қабылдау ағымдағы жылдың шілде айының 4 мен 18 аралығында жүргізіледі.

Анықтама үшін телефон нөмірі: 8 (7292) 46-26-68 ішкі 1031.