Бейнеу және Маңғыстау аудандардың елді мекендерін сумен қамтамасыз ету бойынша жүргізіліп жатқан жұмыс барысын тексеру үшін Маңғыстау облысы әкімінің Бірінші орынбасары Б. Орынбасаровтің басшылығымен, Маңғыстау облысының энергетика және тұрғын үй-коммуналдық шаруашылық басқармасының басшысы Б. Қартбаевпен бірлесіп облыс және аудан әкімдіктері өкілдерінің жұмыс сапары ұйымдастырылды. 2021 жылғы 22 қыркүйектегі Қазақстан Республикасының Президенті Қ.К. Тоқаевтың төрағалығымен өткен кеңестің №21-01-7.17 хаттамасының 1.5.5-тармағына сәйкес 2022 жылдың соңына дейін ауызсуы жоқ 12 ауылды таза сумен қамтамасыз ету бойынша тапсырма берілді.
Қазіргі таңда 12 ауылдың 3 ауылы (Маңғыстау ауданының Бекі, Басқұдық, Қарақия ауданының Аққұдық) ауызсумен қамтамасыз етілді. 9 ауылдың 5 ауылында (Маңғыстау ауданының Тиген, Қияқты, 15 бекет, Боздақ, Тасмұрын) кешенді блок модульдерін орнату жұмыстары жүргізілуде және 2022 жылдың соңына дейін пайдалануға беріледі.
Қалған 4 ауылды (Бейнеу ауданының Сам, Тұрыш, Ноғайты, Түпқараған ауданының Қызылөзен) орталықтандырылған су жүйесімен қамтамасыз ету үшін 2 жоба жасақталып, ҚР Индустрия және инфрақұрылымдық даму министрлігіне бюджеттік өтінім жолданды.
Аталған елдімекендерді жылдың соңына дейін пайдалануға беріп, сумен қамту көрсеткішін 100%-ға жеткізу жоспарланған.