Жоба бойынша конкурстық құжаттаманың ережелерін түсіндіру "Маңғыстау облысының жалпы білім беретін мектептері" КММ-нің асханаларын сенімгерлік басқаруға беру"

Жоба бойынша конкурстық құжаттаманың ережелерін түсіндіру "Маңғыстау облысының жалпы білім беретін мектептері" КММ-нің асханаларын сенімгерлік басқаруға беру"
  1. Сұрақ: Неліктен конкурстық құжаттама орыс тілінде жасалды?

Жауап: "Мемлекеттік-жекешелік әріптестік жобаларын жоспарлаудың және іске асырудың кейбір мәселелері туралы" Қазақстан Республикасы Ұлттық экономика министрінің м.а. 2015 жылғы 25 қарашадағы № 725 бұйрығымен бекітілген мемлекеттік-жекешелік әріптестік жобаларын жоспарлау, жекеше әріптесті айқындау бойынша конкурс (Аукцион) және тікелей келіссөздер өткізу, мемлекеттік-жекешелік әріптестік шарттарына мониторинг жүргізу, мемлекеттік-жекешелік әріптестік жобаларының іске асырылуына мониторинг және бағалау жүргізу мәселелерін қамтитын мемлекеттік-жекешелік әріптестік жобаларын жоспарлау және іске асыру қағидаларының 19-тармағына сәйкес, конкурстық құжаттама, оның ішінде оған тиісті өзгерістер және (немесе) толықтырулар енгізілген кезде (бұдан әрі – конкурстық құжаттама) мемлекеттік және (немесе) орыс тілдерінде әзірленеді.

  1. Сұрақ: Конкурстық құжаттаманың 8.1.тармағының    8.1.1, 8.1.2., 8.1.3., 8.1.4., 8.1.5., 8.1.6., 8.1.7- тармақшаларына сәйкес қандай құжаттарды ұсыну қажет?

Жауап: Конкурстық құжаттаманың 8.1 тармағында  "Мемлекеттік-жекешелік әріптестік туралы" ҚР Заңының 32-бабына сәйкес біліктілік талаптары көрсетілген, біліктілік талаптарын растау үшін конкурстық құжаттамаға №2 қосымшаға сәйкес құжаттарды ұсыну қажет.

3.Сұрақ: Конкурстық құжаттаманың 10.1.тармағына сәйкес. қаржы-экономикалық модель түрінде алдын ала есеп айырысудың қаржы-экономикалық шешімдерін (ұсыныстарын) ұсынуы қажет, алдын ала есеп айырысулар мен үлгілерді ұсынуды сұраймыз.

Жауап: Конкурстық құжаттамаға қаржы-экономикалық модель (ҚЭҮ) электрондық түрде қоса беріледі. Әлеуетті жекеше әріптестер конкурстық құжаттаманы алған кезде, ҚЭҮ электрондық тасымалдағышта қоса беріледі.

  1. Сұрақ: Конкурстық құжаттаманың №2 қосымшасында 2,3,4 тармақтарда алдыңғы толық екі қаржы жылы үшін қаржылық есептіліктің түпнұсқасын, соңғы есепті күнге (соңғы қаржы жылы үшін) "негізгі құралдар" бухгалтерлік теңгерімінің баптарын таратып жазуды, соңғы есепті күнге (соңғы қаржы жылы үшін) дебиторлық және кредиторлық берешекті таратып жазуды ұсыну талап етіледі. Егер жеке кәсіпкер бухгалтерлік есепті "Бухгалтерлік есеп және қаржылық есептілік туралы" 2007 жылғы 28 ақпандағы ҚР-ң Заңына сәйкес жүргізбесе, қаржылық құжаттарды ұсыну қажет пе?

Жауап: Конкурстық құжаттаманың №2 қосымшасының 2 тармағы бойынша алдыңғы толық екі қаржы жылы үшін қаржылық есептіліктің түпнұсқасын ұсыну талабы.

Дара кәсіпкер "Бухгалтерлік есеп және қаржылық есептілік туралы" 2007 жылғы 28 ақпандағы ҚР Заңының 2-бабы 2-тармағының талаптарына сәйкес келген кезде қаржылық есептілік ұсынылмайды, ал конкурстық өтінімге осы фактіні көрсете отырып, ЖК-ның ресми хаты қоса беріледі.

 Конкурстық құжаттаманың №2 Қосымшасының 3 тармағы бойынша соңғы есепті күнге (соңғы қаржы жылындағы) "негізгі құралдар" бухгалтерлік балансының баптарын таратып жазу талабы. Дара кәсіпкерде негізгі құралдар болған кезде оларды әлеуетті жекеше әріптестің бірінші басшысы немесе уәкілетті өкілі қол қойған және әлеуетті жекеше әріптестің мөрімен расталған кесте нысанында көрсету қажет. Болмаған жағдайда конкурстық өтінімге негізгі құралдардың жоқтығы туралы хат қоса берілуі қажет.

Конкурстық құжаттаманың №2 қосымшасының 4 тармағы бойынша соңғы есепті күнге (соңғы қаржы жылындағы) дебиторлық және кредиторлық берешекті таратып жазу талабы. Егер жеке кәсіпкерде кредиторлық және (немесе) дебиторлық берешектер бар болса, оларды құрылған күні мен болжамды өтеу мерзімі, сондай-ақ берешектің мақсаты (не үшін берешек пайда болды), олардың құнсыздануы бойынша есептелген резервтердің сомасы көрсетілген кесте түрінде көрсету қажет, осы құжатқа әлеуетті жекеше әріптестің бірінші басшысы немесе уәкілетті өкілі қол қоюы тиіс, сондай-ақ құжатты әлеуетті жекеше әріптестің мөрімен куәландыру қажет.

 Банктік қарыздар болған жағдайда, банктік қарыз шарттарының көшірмелерін негізгі борышты және пайыздарды өтеу кестелерімен қоса беру қажет.

  1. Сұрақ: Конкурстық құжаттаманың 2-қосымшасының 6-тармағын түсіндірсеңіз, жеке кәсіпкер аудиторлық есепті ұсынбауы мүмкін бе?

Жауап: Егер жеке кәсіпкер "Аудиторлық қызмет туралы" ҚР Заңының 5-бабы 2-тармағында айқындалған тізбеге енгізілмеген болса, онда конкурстық өтінімге осы фактіні көрсете отырып, хат қоса беруі қажет.

Қалған ұсыныстар мен мәселелер бойынша:

Қазақстан Республикасы Білім және ғылым министрлігінің №717, №598 бұйрықтарына өзгерістер енгізуге байланысты конкурстық құжаттаманың №3 қосымшасына Үздік конкурстық өтінімді іріктеу критерийлеріне өзгерістер енгізу туралы.

Конкурстық құжаттаманың №3 қосымшасының 1 және 2-тармақтары бойынша сұрақтар: орындалған жұмыстардың актілері мен шот-фактуралары 12 айға немесе тек соңғы айға беріледі ме?

Конкурстық құжаттаманың №3 қосымшасының 4 тармағы бойынша бұрын жеңіп шыққан ұйымдардың қатысуы заңды ма?

Конкурстық құжаттаманың №3 қосымшасының 7 тармағына сәйкес, критерийлер білікті аспаздардың санын заңсыз шектейді (3-тен аспайды), сондай-ақ 5 санаттағы аспаздар бойынша.

Жауап: Конкурстық құжаттаманы дайындау кезінде ҚР БҒМ №717, 598 бұйрықтарына енгізілген барлық өзгерістер ескерілді, сондай-ақ, Қазақстан Республикасы Ұлттық экономика министрінің м. а. 2015 жылғы 25 қарашадағы № 725 бұйрығымен бекітілген, мемлекеттік-жекешелік әріптестік жобаларын жоспарлау, жекеше әріптесті айқындау бойынша конкурс (Аукцион) және тікелей келіссөздер өткізу, мемлекеттік-жекешелік әріптестік шарттарына мониторинг жүргізу, мемлекеттік-жекешелік әріптестік жобаларының іске асырылуына мониторинг жүргізу және бағалау мәселелерін қамтитын мемлекеттік-жекешелік әріптестік жобаларын жоспарлау және іске асыру қағидаларына сәйкес,конкурсты ұйымдастырушы жекеше әріптесті айқындау жөніндегі конкурсты өткізу кезінде өз өлшемшарттарын айқындауға құқылы.

Конкурстық құжаттаманың №3 қосымшасының 1,2 тармақтары бойынша жұмыс тәжірибесін растау үшін шарттардың, орындалған жұмыстар актілерінің және шот-фактуралардың көшірмелерін 1 жылға, яғни 12 айға ұсыну қажет.

Конкурстық құжаттаманың №3 қосымшасының 4 тармағы бойынша "Әлеуетті жекеше әріптестің МЖӘ жобасын дайындауға қатысу дәрежесі" әлеуетті жекеше әріптестің осы нақты МЖӘ жобасын жоспарлауға қатысуын, яғни ведомствоаралық жобалау тобына қатысуын білдіреді.

Конкурстық құжаттаманың №3 қосымшасының 7 тармағы бойынша көрсетілген: "Аспазшының біліктілігі (3 аспазшының біліктілігі ұсынылады)" осы тармақта ешқандай шектеулер қарастырылмаған, сондай-ақ ҚР заңнамасына қарама-қайшылықтар және әлеуетті жекеше әріптес өз қалауы бойынша аспаздардың көп санына құжаттарды ұсына алады.

"5-разрядты аспаз" критерийіне келетін болсақ- бұл үздік конкурстық өтінімді таңдау үшін конкурстың шарты.