Қазақстан Республикасы Тәуелсіздігінің 30 жылдығы аясында облыстық табиғи ресурстар және табиғат пайдалануды реттеу басқармасы мен білім басқармасының ұйымдастыруымен, облыстың жалпы білім беру ұйымдарындағы экологиялық білім беру және тәлім-тәрбиенің сапасын арттыру мақсатында осы жылғы 20 мамыр күні «Табиғатпен үндес мектеп» облыстық байқауы өткізілді.
Байқауға қалалар мен аудандардан іріктелген 9 мектеп қатысты. Бірлескен комиссия мүшелері білім беру ұйымдарын аралап, ережеге сәйкес қатысушы мектептердің жұмыстарын зерделеп, 5 маусым – Дүниежүзілік қоршаған ортаны қорғау күніне орай төмендегі жеңімпаздарға марапаттау рәсімі өткізілді:
І дәрежелі дипломмен және 250 000 теңге қаржылай сый ақымен - Бейнеу ауданы, «Боранқұл жалпы білім беретін мектебі»;
ІІ дәрежелі дипломмен және 200 000 теңге қаржылай сый ақымен - Қарақия ауданы, «№ 4 жалпы білім беретін мектебі»;
ІІІ дәрежелі дипломмен және 150 000 теңге қаржылай сый ақымен - Түпқараған ауданы, «Шахта жалпы білім беретін мектебі»;
Байқауға жақсы дайындықпен қатысқаны үшін алғыс хаттары және 40 000 теңге қаржылай сый ақылар - Қарақия ауданы, «№5 жалпы білім беретін мектебіне», Мұнайлы ауданы, «№14 жалпы білім беретін мектебіне», Ақтау қаласы, «№23 жалпы білім беретін мектебіне» табысталды.