«Конституцияға 30 жыл: Тарих және деректер» атты салтанатты шара
Бүгін, 29 тамыз күні Қазақстан Республикасы Конституциясының 30 жылдығына орай «Конституцияға 30 жыл: Тарих және деректер» атты танымдық шара ұйымдастырылды.
Шараның басты мақсаты – Ата Заңымыздың тарихи маңызын терең түсіндіру, азаматтық ұстанымды нығайту және қызметкерлердің құқықтық сауаттылығын арттыру болды.
Шараға білім басқармасының, облыстық білім берудің оқу-әдістемелік орталығының, облыстық балалар мен жасөспірімдер туризімінің қызметкерлері қатысты.
Салтанатты шара Қазақстан Республикасының Мемлекеттік Гимнімен басталып, басқарма басшысының орынбасары Құралай Газимованың мерекелік құттықтау сөзімен жалғасты.
Аллаберген Қонарбаев Қазақстан Республикасы Конституциясының қалыптасу тарихындағы бірқатар маңызды мәліметтерге хронологиялық баяндама жасады.
Заң алдындағы жауапкершілік, құқықтық сана мен елге деген құрметті арттыруға бағытталған шара «Конституцияға саяхат» атты зияткерлік ойынымен жалғасты. Аталған шараға облысымыздың басқа да басқармалары мен департаменттерінің мемлекеттік қызметшілері белсене атсалысып, бейнеролик арқылы сұрақтар қойып, айтулы мерекемен құттықтады.
Шара соңында зияткерлік ойынның қатысушылары басқарма басшысының алғыс хатымен марапатталып, Н. Жантөрин атындағы Маңғыстау облыстық музыкалық драма театрында өтетін қойылымдарға билеттер табысталды.