Таразда «Бүгінгі журналистика: сын-қатерлер, трендтер, мемлекеттік құрылымдармен өзара іс-қимыл» атты семинар өтті

​Тараз қаласында «Бүгінгі журналистика: сын-қатерлер, трендтер, мемлекеттік құрылымдармен өзара іс-қимыл» тақырыбында семинар өтті.

Семинарда заманауи технологияларды қолдана отырып медиа өнімдер жасау, шешендік өнер, халықтың медиа сауаттылығы, журналистер мен мемлекеттік органдар арасындағы коммуникацияларды жетілдіру мәселелері талқыланды.

Сонымен қатар спикерлер медиа мамандардың біліктілігін арттыру, салалық журналистиканы дамыту және халық арасында медиасауаттылықты қалыптастыру бағытында ҚР Мәдениет және ақпарат министрлігі атқарып жатқан жұмыстар туралы айтып берді.

Іс-шара Қазақстан Республикасы Мәдениет және ақпарат министрлігінің Халықтың медиасауаттылығын дамытудың және медиасаласы мамандарының біліктілігін арттырудың 2025 жылға арналған жоспары шеңберінде іске асырылды.

Семинарға 40-тан астам БАҚ, Жамбыл облысы Ақпарат және қоғамдық даму басқармасы өкілдері, М.Х. Дулати атындағы Тараз университетінің студенттері қатысты.

 

ҚР Мәдениет және ақпарат министрлігінің баспасөз қызметі