Қазақстандық белсенді жастар тәжірибе алмасу үшін Үндістанға барды

21-28 наурыз аралығында қазақстандық жастар делегациясы тәжірибе алмасу мақсатында Үндістанға сапарлады. Оларға Өзбекстан, Тәжікстан, Түрікменстан және Қырғызстаннан келген жастар да қосылды.

Кездесудің басты мақсаты – достық байланыстарды нығайту және жастарды Үндістанның мәдениетімен таныстырып, заманауи дамуын көруге мүмкіндік беру.

Іскерлік бағдарлама аясында қатысушылар жастар саясаты, спорт және цифрландыру салаларына жетекшілік ететін министрлермен кездесті. Сондай-ақ олар жергілікті атқарушы органдар мен Үндістанның жетекші оқу орындарының жұмысымен танысты.

Туристік бағыт бойынша жастар Делиге, Гоаға және Аграға сапар шегіп, Тәж-Махал, Агра қамалы және басқа да тарихи орындарды аралады.

 

ҚР Мәдениет және ақпарат министрлігінің баспасөз қызметі