Астанада Ұлттық киім күніне орай ұлттық киімдер фестивалі өтті

Наурызнама онкүндігі аясында Ұлттық академиялық кітапханада «Nomad Style Show» ұлттық фестивалі ұйымдастырылды. Іс-шараға Астана қаласындағы этномәдени бірлестіктердің өкілдері қатысты.

Қатысушылар дәстүрлі киімдер мен халықтардың мәдени ерекшеліктерін таныстырды. Қазақ, орыс, поляк, беларусь, татар, өзбек және басқа да этностардың ұлттық киімдері көрсетілді. Сондай-ақ қатысушылар халықтардың әдет-ғұрыптары мен дәстүрлерімен танысып, ұлттық әндерді тыңдап, би қойылымдарын тамашалады.

Бұл іс-шара мәдени әртүрлілікті дәріптеп, ұлттық мұраны сақтауда маңызды алаңға айналды.

 

ҚР Мәдениет және ақпарат министрлігінің баспасөз қызметі