Астанада Ақселеу Сейдімбекке арналған кітаптың тұсаукесері өтті

ҚР Ұлттық академиялық кітапханасында әнші, Қазақстан Республикасының Еңбек сіңірген қайраткері Айтбек Нығызбаевтың «Ақселеудің әндері» атты кітабының таныстырылымы өтті.

Жинаққа жазушы, этнограф-ғалым, композитор Ақселеу Сейдімбектің жазған әндері алғаш рет топтастырылып, ғылыми және ноталық негізде көпшілікке ұсынылды.

Кеш барысында автор кітап жазу тарихымен бөлісті. Қатысушылар жазушының тұлғасы мен шығармашылығы жайлы пікір алмасты.

Іс-шараға мәдениет қайраткерлері, зиялы қауым өкілдері, өнертанушылар мен кітапхана оқырмандары қатысты.

 

ҚР Мәдениет және ақпарат министрлігінің баспасөз қызметі