Алматыда Мағира Қожахметованың 80 жас мерейтойына арналған шығармашылық кеш өтті

Қазақстан Республикасының Ұлттық кітапханасында жазушы, Қазақстанның еңбек сіңірген қайраткері, Халықаралық «Алаш» әдеби сыйлығының иегері Мағира Қожахметованың 80 жас мерейтойына арналған шығармашылық кеш өтті.

Іс-шараға қаламгерлер, әдебиеттанушылар, мәдениет қайраткерлері, зиялы қауым өкілдері мен оқырмандар қатысты.

Әдеби кеште жазушының сан қырлы шығармашылық жолы, ұлттық журналистика мен әдебиетке қосқан үлесі туралы мазмұнды баяндамалар жасалды. Сондай-ақ қаламгердің прозалық және публицистикалық туындыларындағы ұлттық дүниетаным, рухани құндылықтары кеңінен сөз болды.

Сонымен қатар іс-шара барысында кітапхана қорындағы материалдар негізінде арнайы кітап көрмесі ұйымдастырылды.

 

ҚР Мәдениет және ақпарат министрлігінің баспасөз қызметі