ҮЕҰ-мен өзара іс-қимыл жөніндегі үйлестіру кеңесі жыл қорытындысын шығарды

Елордада уәкілетті орган жанындағы ҮЕҰ-мен өзара іс-қимыл жөніндегі үйлестіру кеңесінің қорытынды отырысы өтті.

Кеңес жұмысына ҚР Мәдениет және ақпарат министрлігі өкілдері, ҚР Парламентінің депутаттары, үкіметтік емес ұйымдардың басшылары, сондай-ақ орталық мемлекеттік және жергілікті атқарушы органдардың өкілдері қатысты.

Отырыста Үйлестіру кеңесінің жыл қорытындысы шығарылып, әлеуметтік жобалар мен 2026 жылға арналған іс-қимыл жоспары қаралды.

Кеңес қорытындысы бойынша әлеуметтік жобалардың іске асырылуына қоғамдық бақылау жүргізу, сондай-ақ азаматтардың қажеттіліктерін ескере отырып, олардың әлеуметтік бағытын күшейту жөнінде ұсынымдар әзірленді.

 

ҚР Мәдениет және ақпарат министрлігінің баспасөз қызметі