Халықаралық конференцияда ЮНЕСКО-ның мәдени алуан түрлігі жөніндегі Конвенциясының 20 жылдығы қорытындыланды

Арменияда Мәдени көзқарастың алуан түрлілігін қорғау және қолдау туралы ЮНЕСКО Конвенциясының 20 жылдығына арналған «Мәдени тоғысу» атты Ереван халықаралық конференциясы өтті.

Конференцияға оннан астам елдің делегациясы, Мәдени көзқарастың алуан түрлілігін қорғау және қолдау туралы 2005 жылғы ЮНЕСКО Конвенциясының хатшысы Туссен Тиендребеого қатысты. Қазақстан тарапынан мәдениет және ақпарат вице-министрі Евгений Кочетов қатысып, ел атынан сөз сөйледі.

Жиында Евгений Кочетов Қазақстандағы мәдениеттің алуан түрлілігі қоғамды нығайып, дамуына берік негіз қалайтын маңызды ресурс екенін атап өтті. Елде 130-дан астам этнос өкілдері тұрады. Ал Қазақстан халқы Ассамблеясының моделі халықаралық қауымдастық тарапынан оң бағасын алып, Конвенция принциптерінің практикалық көрінісі атанды.

Екі күндік конференция аясында «Мәдени көзқарастың алуан түрлілігін қорғау және қолдау туралы 2005 жылғы ЮНЕСКО Конвенциясы: 20 жылдық жетістіктер мен перспективалар» тақырыбында пленарлық отырыс өтті. Сонымен қатар делегаттар «Цифрлық дәуірдегі мәдени көқарастың алуан түрлілігі» және «Креативті индустрия және мәдени алуан түрлілікті қорғау мен қолдаудағы азаматтық қоғамның рөлі» тақырыптарындағы пікірталас алаңдарына қатысты.

«Мәдени тоғысу» халықаралық конференциясының қорытындысы бойынша «Мәдени алуан түрлілік арқылы тұрақты бейбітшілікке» арналған Ереван декларациясы қабылданды. Декларацияда мәдени алуан түрлілік – адамзат тарихы мен мұрасының ажырамас бөлігі екені, өзара байланыстар мен ынтымақтастықты дамытуға, сондай-ақ білім беру мен бейбітшілікті нығайтуға ықпал ететіні атап өтілді.

 

ҚР Мәдениет және ақпарат министрлігінің баспасөз қызметі