«ҮРКЕР – 2025» ұлттық сыйлығына өтінім қабылдау жалғасуда

Баспа, радио және интернет-журналистика саласындағы «ҮРКЕР – 2025» ұлттық сыйлығына өтінімдерді қабылдау жалғасуда.

Қазақстан Республикасы Мәдениет және ақпарат министрлігінің ұйымдастыруымен өтетін байқауға медиаконтент өндіретін және тарататын республикалық, өңірлік радиостанциялар, баспа және интернет-басылымдар қатыса алады.

Өтінімдер 2025 жылғы 20 қазанына дейін қабылданады.

Конкурстық жұмыстар 2024 жылғы 12 тамыз бен 2025 жылғы 30 қыркүйек аралығындареспубликалық немесе өңірлік баспа және интернет-басылымдарда жариялануы, не радиоэфирде шығуы тиіс. Әр үміткер байқаудың тек екі номинациясына ғана қатыса алады.

Өтінімдер urker-awards.kz ресми сайтында 11 номинация бойынша қабылданады:

• Жылдың үздік сұхбаты

• Жылдың үздік репортажы

• Әлеуметтік тақырыптағы үздік материал

• Жылдың үздік журналистік зерттеуі

• Жылдың үздік аналитикалық материалы

• Радиостанциядағы үздік жоба

• Жылдың үздік фотосуреті

• Жылдың үздік жаңалықтар порталы

• Жылдың үздік өңірлік БАҚ

• Жылдың үздік подкасты

• Жылдың үздік YouTube-арнасы

Жұмыстарды беделді журналистер, саланың еңбексіңірген қайраткерлері мен медиасарапшыларданқұралған тәуелсіз қазылар алқасы бағалайды.

Конкурс қорытындысы бойынша әр номинация жеңімпазына «ҮРКЕР – 2025» естелік мүсіншесіжәне 1 000 000 теңге көлемінде ақшалай сыйақытабысталады.

«ҮРКЕР» ұлттық сыйлығы – баспа, радио жәнеинтернет-журналистика саласындағы үздікжетістіктер үшін беріледі.

ҚР Мәдениет және ақпарат министрлігініңбаспасөз қызметі