Солтүстік Қазақстан облысында көне еңбек құралдарының көрмесі өтті

2025 жылғы 18 қыркүйек күні Ақан Сері атындағы мәдениет үйінде (СҚО) «Ботай» музей-қорығы еңбек күніне арналған «Тарих пен еңбек тоғысында» көрмесін ұйымдастырды.

Іс-шара жұмысшы мамандықтар жылы аясында ұйымдастырылды. Негізгі мақсат-жұмысшы кәсіптерінің беделін арттыру және танымал ету, сондай-ақ еңбек және еңбек адамдарына деген құрмет көрсету.

Бағдарламаның ортасында мыңдаған жыл бұрын адам өміріне еңбек ету пайда болғандығы, Ботай мәдениетінің тұрмыс-тіршілігі туралы мастер-класстар мен интерактивті демонстрациялар көрсетілді. Қонақтар ежелгі еңбек құралдарымен, тұрмыстық заттармен, сондай-ақ Шал ақын өңірінің еңбек тарихы туралы баяндайтын Шал ақын ауданының тарихи-өлкетану музейінің (СҚО) қорынан заманауи аналогтарымен таныса алады.

Айта кетейік, Ботай мәдениеті – біздің дәуірімізге дейінгі IV–III мыңжылдықтарда Солтүстік Қазақстан аумағында өмір сүрген ежелгі тайпалар мәдениеті. Ботайлар жылқыны қолға үйреткен әлемдегі алғашқы адамдардың бірі болды. Олар мал шаруашылығымен айналысты, қыш, сүйек пен тастан жасалған құралдар жасады.

Ботай мәдениетінің маңызы зор. Жылқыны қолға үйрету арқылы Еуразия өркениеттерінің дамуына серпін берді. Дәл осы жерден қазақ халқының мәдениеті мен өмір салтының негізіне айналған көшпелі мал шаруашылығы дәстүрі бастау алады.

 

ҚР Мәдениет және ақпарат министрлігінің баспасөз қызметі