Қарағандыда Азаматтық форум өтті: ҮЕҰ-ны қолдаудың жаңа тәсілдері

2025 жылғы 29 тамызда Қарағанды қаласында «Азаматтық бастамаларды қолдау мен дамытудың заманауи тәсілдері» тақырыбында Қарағанды облысының Азаматтық форумы өтті.

Форум ҚР Мәдениет және ақпарат министрлігінің, Қазақстанның Азаматтық альянсының, мемлекеттік органдардың, Қазақстан халқы Ассамблеясының, этномәдени бірлестіктердің, үкіметтік емес ұйымдардың, қоғамдық кеңестердің, бұқаралық ақпарат құралдарының, студенттердің және белсенді жастардың басын қосты.

Жиында азаматтық қоғамның өңірлік және ұлт көшбасшыларының мазмұнды баяндамалары оқылды.

Форумда «Қазақстан халқына» қоғамдық қорының тәжірибесі негізінде қайырымдылықты өңірді дамыту құралы ретінде қарастыру, цифрлық технологиялар мен жасанды интеллектінің азаматтық қоғамға әсері, «Қазақстан халқы Ассамблеясының 30 жылдығы – бірлік пен прогресс жолы» тақырыбында сөз қозғалды.

Секциялық отырыстарда «Үкіметтік емес ұйымдар туралы» және «Мемлекеттік әлеуметтік тапсырыс туралы» заң жобалары, адам құқықтары мен этносаралық диалог мәселелері талқыланды.

Форум соңында «Заманауи Қазақстан» көрмесі мен ерекше білім беруді қажет ететін балалардың суреттер фестивалі ұйымдастырылды.

 

ҚР Мәдениет және ақпарат министрлігінің баспасөз қызметі