ҮЕҰ-ға арналған сыйлықақыға өтінім қабылдау мерзімі аяқталуда

Қазақстан Республикасының Мәдениет және ақпарат министрлігі жыл сайынғы үкіметтік емес ұйымдарға арналған сыйлықақыны табыстау конкурсына өтінімдерді 2025 жылғы 2 қыркүйек (қоса алғанда) сағат 18:30-ға дейін қабылдайды.

Конкурстың мақсаты – ұйымдардың әлеуетін нығайту және қоғамдық маңызы бар жобаларды іске асыруға ынталандыру үшін институционалдық қолдау көрсету.

Сыйлықақы әлеуметтік маңызы бар 16 сала бойынша беріледі. Бір салаға арналған сыйлықақы мөлшері – 2000 АЕК.

Өтінімді premiya2025@cisc.kz  электронды мекенжайына жолдауларыңызды сұраймыз.

Конкурсқа қатысу шарттары туралы толығырақ https://www.gov.kz/memleket/entities/akk/documents/details/863651?lang=ru  сілтемесі бойынша біле аласыздар.

Сұрақтар туындаған жағдайда 8 (7172) 74-09-97, 74-07-41, 74-02-17 нөмірлеріне хабарласуға болады.

 

ҚР Мәдениет және ақпарат министрлігінің баспасөз қызметі