Астанада «Aqyl Battle CUP» зияткерлік сайысының финалы өтті

ҚР Мәдениет және ақпарат министрлігінің қолдауымен «Aqyl Battle CUP» еліміздегі танымал зияткерлік сайысының финалы өтті.

Зияткерлік сайысқа 14-35 жас аралығындағы жастар қатысты. Іс-шара «Тіл тағдыры – ел тағдыры» жобасы аясында ұйымдастырылды.

Жоба мақсаты – жастардың білімге деген құштарлығын арттырып, шығармашылық пен зияткерлік дамуға жол ашу.

Еліміздің аймақтарынан іріктеу кезеңдерінде 1500-ден астам адам қатысты.

Ақтық кезеңге үздік 20 команда жолдама алды. Қытай, Өзбекстан, Моңғолия құрама командалары басты қарсылас болды.
​
Сайыс нәтижесінде Солтүстік Қазақстаннан келген «Qyzyljar» командасы бас жүлдені иеленді. Сондай-ақ жүлделі орындарды Астана қаласы мен Абай облысының білімді жастары еншіледі.
​
Турнирдің жалпы жүлде қоры – 3 600 000 теңге.

 

 

ҚР Мәдениет және ақпарат министрлігінің баспасөз қызметі