Қазақстанда «Ардагер өсиеті» атты республикалық жастар марафоны басталды

Ақтөбе қаласында Ұлы Жеңістің 80 жылдығына орай «Ардагер өсиеті» республикалық жастар марафоны басталады. Іс-шара Кеңес Одағының Батыры Әлия Молдағұлова мемориалдық кешенінде өтті. Оған зиялы қауым өкілдері, белсенді жастар және жергілікті атқарушы органдардың өкілдірі қатысты.

Бұдан бұрын жастар Ұлы Отан соғысы ардагерлеріне барып, сол кезеңдегі естеліктер мен өсиет сөздері жазылған хаттармен танысқан еді. Кездесу соңында түсірілген естелік фото­суреттер «Батырларға тағзым» порталына орналастырылатын болады.

Ақтөбе облысы эстафетаны Батыс Қазақстан облысына жолдады. Марафон еліміздің барлық өңірінде жалғасып, Астанаға жеткенде ардагерлердің хаттары музей қорына тапсырылатын болады.

Марафон ҚР Мәдениет және ақпарат министрлігінің бастамасымен ұрпақтар сабақтастығын нығайту, тарих пен ата-баба ерлігіне құрмет көрсету мақсатында ұйымдастырылды.