Қазақстанда «Жұлдызды жол 2025» атты жаңа тележоба басталды

Қазақстанда «Жұлдызды жол 2025» атты жаңа тележоба басталды. Бұл жобаның мақсаты – жас таланттарға кәсіби қолдау көрсету және сахнада, камера алдында тәжірибе жинақтауға мүмкіндік беру.

Жобаның форматы білім беру Қатысушылар Алматыдағы лагерьде тұрып, күнделікті дайындық жүргізеді. Вокал, аспаптық сабақтар, шеберлік сыныптарына, музыкалық қойылымдар түсіріліміне қатысады. Әрбір қатысушы тәжірибелі тәлімгерлермен жұмыс істейді.

Жобаға 16–21 жас аралығындағы жас дарындар қатыса алады. Қысқа мерзім ішінде Қазақстанның түрлі өңірлерінен 354 өтініш қабылданды. Іріктеу қашықтықтан тыңдау арқылы бірнеше кезеңде өтті.

Қатысушылар вокал, классикалық музыкалық аспаптар және ұлттық музыкалық аспаптар бағыты бойынша іріктелді.

Іріктеу нәтижесі бойынша Қазақстанның 14 қаласы мен өңірінен барлығы 48 талантты қатысушы финалдық кезеңге өтті.

«ЖҰЛДЫЗДЫ ЖОЛ 2025» тележобасының премьерасы 2025 жылғы күзде «Евразия» телеарнасынан көрсетіледі. Көрермен жас өнерпаздардың алғашқы дайындықтарынан бастап, эфирге дейінгі шығармашылық жолына куә болады.

 

ҚР Мәдениет және ақпарат министрлігінің баспасөз қызметі