Жасанды интеллектпен жұмыс істеудің жаңа мәдениеті қалыптасуда
Жасанды интеллект және цифрлық даму министрлігі ішкі жұмыс процестерін жасанды интеллект технологияларын қолдана отырып, жүйелі түрде трансформациялауда. Цифрландыру және ЖИ жылында ведомство олардың мүмкіндіктерін іс жүзінде бағалау, қажетті құзыреттерді қалыптастыру және кейін шешімдерді мемлекеттік секторда енгізу үшін ең алдымен жаңа құралдарды өз жұмысына енгізуде.
Бүгінгі таңда министрлік қызметкерлері Ұлттық жасанды интеллект платформасын белсенді пайдаланады, мемлекеттік қызметшінің бірыңғай цифрлық жұмыс кеңістігі - Alem-Workspace-ті тестілеуден өткізуде, күнделікті жұмыстарды автоматтандыру үшін ЖИ-агенттер құруда және вайб-кодинг бойынша оқудан өтуде. Бағдарламаға ведомстволық бағынысты ұйымдардың өкілдері де қосылуда.
Министрлік мамандары үшін дербес ЖИ-агенттерді құру, жұмыс процестерін автоматтандыру және ақпаратты талдау кезінде data-driven тәсілін қолдану біртіндеп күнделікті жұмыстың бір бөлігіне айналуда.
Оқытуды Цифрлық үкіметті қолдау орталығымен бірлесіп «Ұлттық ақпараттық технологиялар» АҚ ұйымдастырды. Бағдарлама мемлекеттік органдардың күнделікті қызметінде ЖИ құралдарын қолдануға бағытталған теориялық дайындық пен тәжірибелік сабақтарды ұштастырады.
Қызметкерлер құжаттарды өңдеу, талдау материалдарын дайындау, деректермен жұмыс істеу және ішкі цифрлық сервистерді құру технологияларын меңгеруде. Деректер мен сараптау негізінде шешім қабылдау үшін - data-driven тәсіліне ерекше назар аударылады.
Оқытудың тағы бір негізгі бағыттарының бірі вайб-кодинг болды. Бұл тәсіл бағдарламалау бойынша терең білімді қажет етпей-ақ, жасанды интеллектке мәтіндік сұраныстар жіберу арқылы цифрлық шешімдер жасауға мүмкіндік береді. Бағдарламаға қатысушылар сайттардың, чат-боттардың, талдау дашбордтарының және ішкі сервистердің прототиптерін әзірлеуде.
Сонымен қатар, министрлікте ЖИ-көмекшілер экожүйесі қалыптасып жатыр. Оларды талдау анықтамаларын дайындау, үлкен көлемдегі ақпаратты өңдеу, салыстырмалы кестелер құру және басқа да күнделікті жұмыстарды автоматтандыру үшін пайдалануға болады.
«Біздің міндетіміз - қызметкерлерді заманауи ЖИ құралдарымен қамтамасыз етіп қана қоймай, деректермен жұмыс істеудің жаңа мәдениетін қалыптастыру. Біз министрлік мамандары жасанды интеллект мүмкіндіктерін күнделікті қызметте қолдану арқылы ЖИ-ді жұмыс барысына ендіруді өзімізден бастадық. Технологиялардың күнделікті жұмыс жүктемесін азайтуға, талдау сапасын арттыруға және неғұрлым негізделген шешімдер қабылдауға көмектесуі маңызды» - деп атап өтті Премьер-Министрдің орынбасары - Жасанды интеллект және цифрлық даму министрі Жаслан Мәдиев.
Мұнымен қатар, орта буын басшылары үшін ЖИ саласындағы лидерлерді даярлау бойынша арнайы Leadership Program бағдарламасы іске қосылуда. Бүкіл бастаманың соңғы кезеңі ведомствоның AI-Driven Министрлігінің мақсатты моделіне толыққанды көшуі болмақ, бұл ақылды көмекшілердің тұтас экожүйесін іске қосумен айшықталады: бақылау тапсырмаларына жауаптар дайындау, НҚА салыстырмалы кестелерін құру және басшылық үшін тезистерді қалыптастыру бойынша ЖИ-ассистенттер пайда болады.
Оқыту әкімшілік және талдау блоктарынан бастап құрылымдық бөлімшелердің басшылары мен цифрлық мамандарға дейінгі ең түрлі бағыттардағы қызметкерлерді қамтиды. Бұл тәсіл мемлекеттік секторда жасанды интеллектіні тиімді және қауіпсіз пайдаланудың бірыңғай мәдениетін қалыптастыруға мүмкіндік береді.
Жинақталған тәжірибені, пысықталған тәсілдер мен тиімді шешімдерді алдағы уақытта бүкіл мемлекеттік аппаратқа ауқымдау жоспарлануда.