Қарағандыда «СӨЗЖАСАМ» жобасының алғашқы кезеңі қорытындыланды

Қарағанды қаласында қазақ тілінің ғылыми-технологиялық, инженерлік-инновациялық әлеуетін жаңа белеске көтерген ерекше тарихи оқиға өтті.

Республика бойынша алғаш рет қолға алынған тыңбастама – «СӨЗЖАСАМ» жобасының алғашқы кезеңін қорытындылау отырысы ұйымдастырылды.

Жиынға ҚР Ғылым және жоғары білім министрлігі Тілсаясаты комитетінің төрағасы Ербол Ердембекұлы Тілешов, Қарағанды облысы әкімінің орынбасары Әлібек Үсенұлы Әлденей, лингвист-ғалымдар, тіл мамандары, журналистер, өндіріс саласының өкілдері, кәсіптік-техникалық колледж оқытушылары мен тіл жанашырлары қатысты.

Жоба аясында сараптамалық топ – филологтар, лингвистер, профессорлар, журналистер және блогерлер – өңірдің ірі өндіріс орындарын аралап, жұмысшылармен жүздесіп, қазақ тілінде баламасы әлі қалыптаспағантехникалық атауларды жинақтап, олардың ғылыми негізделген жаңа нұсқаларын әзірледі.

Өнеркәсіп орындарындағы экспедициялар нәтижесінде 200-ге жуық термин сараланып, ғылыми сүзгіден өтті. Соныңішінен жүйеленген 100-ге жуық жаңа термин жақын күндері Республикалық терминология комиссиясының қарауынажолданады.

Жиында Тіл саясаты комитетінің төрағасы Ербол Ердембекұлы мен облыс әкімінің орынбасары Әлібек Үсенұлы жаңа терминдерді «Қазақ еліне +1 термин» сандығына салу рәсімін өткізді. 

«СӨЗЖАСАМ» жобасы аясында жүйеленген осытерминдер қолданысқа енгізілгенде, қазақ терминологиясытағы бір топ ғылыми-инновациялық атаумен толығатыны сөзсіз.

Бұл – қазақ тілінің ғылым мен технология тіліне айналужолындағы маңызды қадам, ұлттық тілдің жаңа даму дәуірінежасалған батыл серпіліс. Сандыққа салынған әрбір жаңа атауболашақта мақұлданып, тіліміздің келешегіне қосылар құнды мұраға, ұлттың интеллектуалдық қазынасын толықтыратын інжу-маржанға айналмақ.