Қуаныш пен күлкі күні
Қуаныш пен күлкі күні
Балаларды қорғау күніне арналған айлық аясында 29 мамыр күні ерекше білім беруді қажет ететін балаларға арналған GREEN PARK элиталық отбасылық парк-қонақ үйіне саяхат ұйымдастырылды. Табиғат аясындағы таза ауа мен жылы атмосфера балаларға нағыз мерекелік көңіл-күй сыйлады.
Парк кіреберісінде балаларды Соник пен Бірмүйіз мультфильм кейіпкерлері қарсы алып, қызықты әрі мазмұнды бағдарлама ұйымдастырды. Көңілді ойындар, байқаулар мен билерге балалар ерекше ықыласпен қатысып, бір-бірімен араласып, әр сәттен қуаныш алды.
Балалардың ең сүйікті қызықтарының бірі — парк аумағында көңілді паровозбен серуендеу болды. Серуен барысында олар әсем табиғатты тамашалап, түрлі жануарлар мен құстарды көрді.
Балалар үшін дәмді балмұздақ та жағымды тосынсый болды. Бұл олардың көңіл-күйін одан әрі көтеріп, жүздеріне қуаныш сыйлады.
Ата-аналар үшін де бұл күн ерекше мәнге ие болды. Олар күнделікті тіршіліктен бір сәтке болса да тынығып, балаларының шат күлкісін көріп, қуанышқа бөленді.
Іс-шара дәмді түскі аспен, сыйлықтармен және осы тамаша күннен естелік ретінде ортақ суретке түсумен аяқталды.