Аудандық орталық кітапханада “Тіл тағдыры-ел тағдыры” атты кездесу өтті. Іс-шараға бюджеттік органдар қызметкерлері және аудан орталығындағы мектептердің жоғары сынып оқушылары қатысты. Аталған шараның мақсаты мемлекеттік тіл саясаты мен тіл туралы заңнаманың талаптарын түсіндіру, тіл мәдениетін көтеру, жастардың тілге деген құрметін арттыру.Кездесуде аудандық мәдениет, тілдерді дамыту, дене шынықтыру және спорт бөлімінің басшысы А. Кемелов және бөлімнің бас маманы Ә. Ерметаев, аудан әкімдігінің құрылымдық бөлімшесі басшысы Г. Жамахаева, халықаралық “Қазақ тілі” қоғамы бірлестігі аудандық филиалының төрағасы З. Ахметова, полиция бөлімінің қызметкері Н.Закирина, білім бөлімінің әдіскері А. Байғожина тіл мәселесіне қатысты баяндама жасады.Шара барсында қатысушылармен ашық диалог жүргізілді.