Қызылорда студенттері-республикалық байқаудың жеңімпаздары

Қорқыт ата атындағы Қызылорда университетінің студенттері Астанада өткен республикалық байқаудың жеңімпаздары атанды. "ZIAT" ғылыми-әдістемелік орталығы ұйымдастырған "Ғылым шарайнасы" байқауында еліміздің жоғары оқу орындарының студенттері өздерінің ғылыми жұмыстарын ұсынды.

Бірінші орынды инженерлік-технологиялық институттың студенттері Анал Түлкібай мен Анар Оңалсын, сондай-ақ жаратылыстану институтының студенті Салима Мұғалжапбар иеленді. Жеңімпаздарға дипломдар табысталды.

Жас зерттеушілердің ғылыми жетекшісі-ауыл шаруашылығы ғылымдарының кандидаты, "Аграрлық технологиялар" кафедрасының қауымдастырылған профессоры Раушан Нұрымова.