Комиссия отырысы өткізілді
2025 жылы 16 мамыр күні комиссия төрағасы Бектас Нуридиновтың төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның отырысы өтті.
Аталған жиынға аудандық прокуратура өкілі, комиссия мүшелері және тиісті мекеме басшылары қатысты.
Комиссияның күн тәртібінде:
1. «Аудандық білім бөлімінің 02.04.2025 жылғы №04-6/169 санды ұсынысын талқылау» - Аудандық білім бөлімінің бас маманы Салтанат Алдабекова хабарлама жасады.
2. «Жаз мезгілінде кәмелетке толмағандардың су айдындарындағы қауіпсіздігі туралы» - Аудандық төтенше жағдайлар бөлімінің бас маманы Елжан Шегебаев хабарлама жасады.
3. «2025 жылғы жаз маусымдағы балаларды сауықтыру ұйымдарының санитариялық - эпидемиологиялық жағдайы, дайындық барысы және жазғы демалысын ұйымдастыру туралы» - Жаңақорған аудандық санитариялық-эпидемиологиялық бақылау басқармасының басшысы Шынар Айдарова хабарлама жасады.
Күн тәртібіндегі мәселелер жан-жақты талқыланып, тиісті мекеме басшыларына тапсырмалар берілді.