Ауыл әкімдерінің сайлауына дауыс беруде жастар белсене қатысуда. Маңызды науқанға Жаңақорған ауданынан алғашқы болып барған ең жас дауыс беруші Жандосбек Сабырұлы сайлауға қатысты өз пікірін білдірді. – Алғашқы болып дауыс беруге келген екенмін, өз таңдауымды жасадым. Бұйырса, біз күткен оң шешім шығатынына сенімдіміз. Біздің болашақ әкімге қоятын талабымыз біреу, ол – ауылды көркейту, кемелдендіру, –деді Жандосбек Сабырұлы. Бүгінде Жаңақорған ауданынан әкім болуға үміткер ретінде 6 кандидат ұсынылды. Айта кетейік, облыс бойынша 146 елді мекеннің 40 ауыл әкімі сайлануы тиіс. Бұл 27,4% құрап отыр. Сайлауды ұйымдастыруға 7 аумақтық және 54 учаскелік сайлау комиссиялары жұмылдырылды. Ауыл әкімі лауазымына 122 кандидат үміткер болып отыр: 49 – саяси партиялардан және 80 өзін-өзі ұсынушылар. Бір орынға 3 кандидаттан келеді. Қазіргі таңда 15.00-дегі ақпарат бойынша 22 792 азамат өз таңдауларын жасады.