Жаңа конституция жобасы аудандық білім саласы өкілдерімен талқыланды

Қазақстан Республикасы Конституциясының жаңа жобасын түсіндіру мақсатында аудандық білім саласы өкілдерімен арнайы жиын өтті.
Кездесу барысында аудандық білім бөлімінің басшысы, штаб мүшесі Нариман Үсенұлы жаңа Конституция жобасының негізгі бағыттарын жан-жақты түсіндірді.
Жиында білім мен ғылымды, мәдениет пен инновацияны дамыту мәселелеріне ерекше назар аударылды. Бұл бағыттардың елдің тұрақты дамуы мен адами капитал сапасын арттырудағы маңызы кеңінен атап өтілді.
Сондай-ақ, жаңа жобада азаматтардың құқықтары мен бостандықтарын қорғау, әлеуметтік кепілдіктерді нығайту және заң үстемдігін қамтамасыз ету басты басымдықтардың бірі екені айтылды.
Кездесу барысында қатысушылар өз пікірлерін білдіріп, ұсыныстарын ортаға салды.