"Мектепке жол" акциясы аясында 1 сыныпқа баратын 167 оқушыға оқу құрал-жабдықтары табысталды

Ауданда «Мектепке жол» жалпы республикалық қайырымдылық акциясы «Мектепке жол – Шекарасыз жақсылық!» атты ұранмен өткізілуде.

Аудан әкімдігінің ұйымдастыруымен өткізілген акция аясында 1 сыныпқа келетін 167 оқушыға "Самрұқ-Қазына" АҚ демеушілігімен мектеп сөмкесі, оқуға қажетті құрал-жабдықтар табысталды.

Сонымен қатар, «Аманат» партиясы Жалағаш аудандық филиалының «Бақытты отбасы» жобасы аясында 17 балаға, аудандық ардагерлер кеңесі 2 балаға, аудан әкімдігінің қолдауымен «Өркен Әлем» ЖШС тігін цехы 100 балаға мектеп формасын арзан бағада, 60 балаға тегін мектеп формасын тігіп, көмек көрсетті. Қайырымдылық шараға ауыл әкімдіктері мен мектептер де қалыс қалмай 132 балаға көмек көрсетті. Аудандағы шаруашылық төрағалары, кәсіпкерлер де қайырымдылыққа біркісідей атсалысуда.