23 наурыз – «тазару күні»: ауданда ағаш егу және «мөлдір бұлақ» акциясы өтті

Бүгін, 23 наурыз – «Тазару күні» аясында ауданда тазалық шараларымен қатар тал егу акциясы ұйымдастырылды. Акцияға аудан әкімі Ардақ Ибраимов қатысып, тұрғындарды «Таза Қазақстан» экологиялық бастамасына белсене атсалысуға шақырды.

Сонымен қатар, «Мөлдір бұлақ» жобасы аясында Сырдария өзенінің жағалауында тазалық жұмыстары жүргізілді. Аталған акцияға аудан әкімінің орынбасары Әліби Байнахатов қатысып, шараның маңыздылығын атап өтті. Акция барысында аудандағы «Қазсушар» өндірістік учаскесінің қызметкерлері және өзге де су шаруашылығы мекемелерінің мамандары өзен жағалауына тазалық жұмыстарын атқарды.